More julle awesome mense!
Hier is weer ‘n aantal gebedsversoeke:
Anonieme persoon: My vriendin se ma is gisteraand met Kolon
kanker gediagnoseer en haar lewe tot stilstand geruk. Ek vra dat julle vir haar
en haar familie sal bid!
Anonieme persone: Ons 2 bid en smeek ons Vader vir spesifieke
deurbrake in ons lewens. Ons smag na Sy Shalom vrede en ‘n lewe in oorvloed.
Ons weet dat ons Vader ons nooit, ooit
alleen sal laat.
Anonieme
persoon: Ek is ‘n bestuurder met 16
personeellede waaronder ‘n manlike sangoma.
Ek moet hierdie persoon dissiplineer en sy skofte verander waarvan hy
niks wil weet nie en briesend kwaad is. Ek
is intussen vanoggend gewaarsku dat hy my of my naaste se lewe kan sabotage agv
my dissiplinere aksie. Ek vra vir gebede
van beskerming en dat geen kwaad of euwel naby my sal kom nie en planne teen my
nie volbring kan word nie. Ek weet ons
God is Almagtig, en as ons saam bid, sal dit ‘n ‘muur’ van beskerming om my en
my gesin, motor/s en huis plaas.
Anonieme persoon: Verskriklike hoofpyne wat nie wil weggaan
nie. Dokters is besig met toetse, maar
kan nie die oorsaak van die hoofpyne kry nie.
Bid asseblief dat God sal sorg vir ‘n deurbraak!
Anonieme persoon: My swaer is in die hospitaal. Hy het groot probleme met sy ingewande.
Hy was gisteraand in vir ‘n nood operasie waar hulle ‘n
stuk van sy “bowls” verwyder het. Nie
seker wat jy dit in Afrikaans noem nie. Hulle
het ‘n sakkie ingesit. Bid asb dat daar
geen verdere infeksie vorm nie en dat die liggaam die sakkie sal aanvaar. Sy bloeddruk is bietjie laag vanoggend. Hy het ook tipe 2 diabetes. Hy is baie baie
siek, bid ook dat hy die Here sal aanvaar as sy saligmaker en verlosser.
My gebed is dat God elkeen van hierdie gebedsversoeke sal
verhoor. Mag jy vandag God se liefde,
vrede en rustigheid ervaar, waar jy ookal gaan.
Mag jou dag baie geseend wees!
Vers vir jou!
Psalm 119:50
My comfort in my suffering is this: Your
promise preserves my life.
Blessings!
Anel*
No comments:
Post a Comment