Haloes! J
The best and most beautiful things in this world cannot
be seen or even heard, but must be felt with the heart… - Helen Keller
Numbers 6:24-26
“‘“The Lord bless you and keep you; the Lord make
his face shine on you and be gracious to you; the Lord turn his face toward you and give you
peace...”
Hier is 'n storie wat iemand aan my gestuur het wat ek graag vandag wil
deel... Ek dink daar lê vir ons
elkeen 'n boodskap hierin opgesluit...
“Sy naam was Billy.
Hy het woeste hare, dra 'n T-hemp met gate in, jeans en geen skoene gehad nie.
Dit was letterlik sy hele klerekas vir sy hele vier jaar op
kollege. Hy was briljant en baie slim. Hy het 'n gelowige
geword terwyl hy op kollege was. Oorkant die straat van die kollege
kampus was 'n baie netjiese en baie konserwatiewe kerk. Hulle wou 'n bediening
begin vir die kollege studente maar het nie regtig geweet hoe om
dit te begin en hoe om dit uit te voer nie. Een dag het Billy besluit om die diens
in die kerk te gaan bywoon. Hy stap kaalvoet by die kerk in
met sy gewone T-hemp, jeans en Wilde hare. Die diens het reeds begin
en Billy het in die paadjie afgestap opsoek na sitplek in die kerk. Die kerk
was vol gepak en daar was nie 'n enkele sitplek beskikbaar nie. Van die gemeentelede
het al redelik ongemaklik gelyk as gevolg van die student maar
niemand het ‘n woord gesê nie. Billy was oppad al nader en nader en nader
aan die preekstoel en toe hy besef dat daar geen sitplek beskikbaar
was nie het hy homself tuisgemaak op die mat voor die preekstoel.
Teen die tyd was die gemeentelede alreeds baie opgetrek oor die situasie
en die atmosfeer was al so dik dat jy dit met 'n mes kon sny.
Op daardie stadium
het die prediker besef dat een van die ouderlinge, van heel agter in die kerk,
oppad was na Billy. Die ouderling was reeds in sy tagtigs, het
silwer-grys hare en het 'n drie stuk pak aangehad. 'n Godvresende man,
baie elegant, statig en hoflik. Hy het gestap met 'n kierie en terwyl hy sy weg
gebaan het na die jongman het elkeen aan hulself gesê dat
hulle nie die ouderling kon kwalik neem vir dit wat hy van
plan was om te doen nie. Dit het die ouderling 'n lang ruk geneem om
uiteindelik die jongman te bereik. Hoe kan jy verwag van 'n man van sy
jare en agtergrond om 'n jong student wat op die mat sit te verstaan? Die kerk
was doodstil behalwe vir die geklik van die ouderling se kierie
op die vloer. Alle oë was vasgenael op hom en die gemeentelede
het skaars asem gehaal. Die prediker kon nie eens aangaan met die preek
totdat die ouderling gedoen het wat hy moes doen nie. Toe die ouderling
by die jongman kom het hy sy kierie op die mat langs die
jongman laat val. Met groot moeite het hy afgesak en het langs Billy gaan sit,
sy skoene en kouse uitgetrek en was hy gereed om saam met die jongman
te aanbid, sodat die jongman nie alleen sou wees nie.
Die hele
gemeente het gevoel hoe die emosies in hul opwel. Toe die prediker
uiteindelik beheer oor sy eie emosies kon kry, sê hy: "Wat ek vandag gaan preek, sal julle nooit onthou nie. Wat
julle so pas gesien het, sal julle nooit vergeet nie." "Wees
versigtig hoe jy leef. Jy mag dalk die enigste Bybel wees wat sommige
mense ooit sal lees…"
Ek dink die storie spreek vir homself… Ons het elke dag die geleentheid om Jesus se
hande en voete op hierdie aarde te wees…
JOU lewe, mag dalk die enigste Bybel wees wat ander mense lees! Dis nogals erg om dit te dink - want nie een
van ons is perfek, of leef elke dag sonder foute nie… Inteendeel…
Ek dink dis juis wat dit SO ongelooflik maak! Jesus het elke een van ons uitgekies vir Sy
Koninkryk – nie omdat ons nie foute het nie – maar JUIS omdat Hy vir daardie
einste foute vir ons aan ‘n Houtkruis vasgespyker is… Nog iets wat vir my uitstaan in hierdie
storie, is dat Jesus jou aanvaar NES jy is…
En jy kan na Hom kom met jou gebede – NES jy is… Jy hoef nie ‘n teoloog te wees, of in die
bediening te staan om met Jesus te kan kommunikeer nie… Hy het vir ELKEEN van ons tyd – en nie per
afspraak nie – NET WANNEER JY TYD HET VIR HOM!!! Jesus wil jou ook gebruik – NES jy is, FOUTE
en AL om ‘n verskil te maak in die Koninkryk…
Deur net jou elke dag voluit te lewe, en te getuig wanneer Hy dinge in
jou lewe doen! Ek glo dat daar baie keer
moeilikheid oor jou pad kom, sodat jy dit kan gebruik om ANDER weer te bemoedig
en te inspireer, dat hulle sal kan weet dat hulle NOOIT alleen is nie… Dat Jesus JOU deur moeilike dinge gehelp het,
en dus ook vir hulle sal kan help...
Want Jesus het ons almal EWE lief!
Ek wil vanoggend vir jou wat sukkel, ‘n stukkie uit Psalm 91 gee… Psalm 91:4&7: He will cover you with his
feathers, and under his wings you will find refuge; his faithfulness will be
your shield and rampart. A thousand may fall at your side, ten thousand at your
right hand, but it will not come near you…
Mag jy ‘n heerlike dag hê!
Blessings!
Anelli**
No comments:
Post a Comment