Haloes! :)
“Afflictions are but the shadows of God's wings...” ~ George MacDonald
Jakobus 1:2-6 (Geloof in aksie Bybel)
“My liewe mede Christene, wees opgewonde as julle geloof by elke
geleentheid getoets word. Julle weet mos hoe goed dit vir julle
geestelike lewe kan wees... Die slegte dinge wat met julle
gebeur, toets of julle werklik die Here vertrou... As dit met
julle sleg gaan, leer julle juis om nader aan die Here te leef... Julle
moet die Here toelaat om julle deur hierdie dinge te leer wat dit beteken om
altyd net op Hom te vertrou, kom wat wil... As julle egter in ‘n
situasie kom waar julle twyfel oor wat die regte ding is om te doen, gaan vra
vir God. Hy sal nie snaaks van julle dink of julle verwyt omdat
julle onseker is hoe om vir Hom te leef nie. Hy sal julle eerder
help met alles wat julle nodig het. Gaan vra, Hy sal gee... Maar
een ding moet julle dan nie doen nie. Moenie twyfel dat God julle
regtig sal help nie... Verwag en weet vir seker dat Hy sal help...”
“God sal jou of van lyding bewaar, of
jou die onfeilbare krag gee om dit te deurstaan... Raak rustig en
hou op om jou te bekommer...” ~ Francis de Sales
“Swaarkry is die vrugbare grond
waarin God elke Christen oorplant wat moet groei...” ~ Anoniem
Die boek Jakobus, is seker een van my gunstelingboeke in die Bybel… Daar
is soveel boodskappe en waarhede daarin, dat ek graag vandag een van dit met
julle wil deel... Hoe groei plante? Daar is ‘n aantal
faktore wat daartoe bydra... Die tipe grond waarin dit geplant is,
die weersomstandighede, of dit genoeg water en sonlig
kry... Vetplante bv het weer nie water nodig om te groei nie... Hulle
het droë omstandighede nodig om te oorleef... Dis so met elke
Christen se lewe ook... Elkeen van ons is uniek, en elkeen van ons
het iets anders nodig om ‘n vol lewe te hê en daagliks te volhard... Daar
is egter een iets waarsonder nie een van ons kan lewe nie, en dit is God...
Sonder God is ons tot niks in staat nie... Ons sal nie hoop
hê vir die nuwe dag nie, en ons sal nie krag hê om ons dagtake aan te pak
nie... Moeilikhede wat reeds soos berge voor ons lê, sal sonder God
se liefde, en ondersteuning, en daar wees soos Mount Everest lyk... Die
aanhaling hierbo se vir my dit so mooi... Swaarkry en moeilike tye,
is soos wanneer God “bemesting” en noodsaaklike “water” (seën) aan Sy kinders
se lewens verskaf... Waar jy jou ookal vanoggend bevind – of jy in
die diepste put van swaarkry of hartseer is, of miskien lê daar ‘n dag voor jou
wat gevul is met onsekerhede, of miskien het jy God se goedheid in oorvloed
ervaar die afgelope tyd – waarookal jy jouself bevind – Jesus ken jou... En
Jesus weet wat jy nodig het... En HY sal by jou wees, en saam met
jou stap, deur elke onsekerheid en deur elke beproewing... Hy SELF
sal jou dra, en jou die ondersteuning bied wat jy nodig het...
Soos hierbo in Jakobus geskryf is – gaan vra, en Hy sal gee... Moenie
dink dat jy nie waardig is om te kan vra vir God se hulp nie... Hy
het gesterwe vir ons, nie omdat ons dit verdien nie, maar vanweë Sy groot
liefde, en genade vir ons... Al voel dit vir jou of God jou al so
baie genadig was, en soveel keer barmhartigheid betoon het, en dat jy nie dit
werklik verdien nie – wil ek jou sê dat jy verkeerd is... God wil
aan jou tot in alle ewigheid barmhartigheid, liefde en seën betoon... Soos
Hy vir Jabes geseën het – is soos wat Hy vir jou wil seën... Hy wil jou
grondgebied vermeerder, en Hy hou Sy hand reeds oor jou, waar jy ookal mag
gaan... En wanneer ons getrou volhard in die moeilike tye, wanneer
ons steeds aanhou bid en aanhou vertrou – SAL God ons genadig wees... En
SAL Hy in elke behoefte wat jy het voorsien... Hy sal Sy blessings
oor jou uitstort en jou met Sy liefde omvou... Jy moet net bid en
glo en vertrou... HY het jou oneindig lief, en jy stap nie alleen
hierdie week tegemoet nie... Vat jou Pappa se hand – Hy hou dit
uitgestrek na jou...
Blessings!
Anelli**
No comments:
Post a Comment