He who kneels before God can stand before anyone. ~Author Unknown

Haloes! :)

He who kneels before God can stand before anyone.  ~Author Unknown

 Hebreërs 3:4

 "Want elke huis het 'n bouer, maar God is die meesterbouer van alles..."

 Hebreërs 13:5

 "Ek sal jou nie los nie...  Ek sal jou nie in die steek laat nie..."

 "We all cling to the past, and because we cling to the past, we become unavailable in the present..." ~ Unknown

 "When you feel that you have reached the end and you cannot go one step further, when life seems to be drained of all purpose, what a wonderful opportunity to turn over a new page..." ~ Eileen Caddy

 Wat sal jy doen as ek vanoggend vir jou sê - jy het 'n erf gewen en jy kan jou droomhuis daarop ontwerp...  Daar is geen koste limiete nie - jy kan besluit die tipe teëls; matte; houtvloere; boustene - sky is the limit!  Die enigste catch is dat niemand jou mag help nie.  Jy moet elke besluit self neem,  sonder om voorbeelde te kan sien...  Jy moet self die ontwerp doen...  Vir die van ons wat minder kreatief is sal dit 'n baie moeilike taak wees!

Die lewe is vir my baie soos hierdie!  Jy is die argitek van jou eie lewe...  Die besluite wat jy vandag neem, sal bepaal hoe jou dag se verloop gaan plaasvind…  Die groter besluite wat jy omtrent jou lewe maak, sal beinvloed hoe jou lewe uitdraai...  Baie keer raak mens ook so vasgevang in die wêreld; vriende; geliefdes, dat besluite geneem word om mense te "please" eerder as om vir God te "please"...  Ons laat groot geleenthede verbygaan omdat ons dink aan vorige mislukkings of dinge wat ons moes deurmaak, dat ons te bang is om weer te probeer...  'n Ander voorbeeld is as jy dalk 'n liefdesteleurstelling gehad het en waar jy dan steeds vasgevang is in dit wat kon wees, dat jy uitmis op ongelooflike liefde wat God dalk nou vir jou wil gee...  Jou hart is onbeskikbaar, alhoewel jy eintlik beskikbaar is...

Onthou - dis JOU lewe...  Elke besluit wat jy neem, moet jy neem ten einde God se wil in jou lewe te laat geskied.  Nie ander mense se wil vir jou lewe nie - hulle het hul eie lewe wat hulle kan lei!  Baie keer probeer ouers verlore kanse waarop hulle uitgemis het, deur hul kinders se lewens te herwin…  Of vriende probeer deur ander vriende lewe…  Elkeen van ons moet daagliks die meeste maak van die 86,400 sekondes wat aan ons geskenk word!  God sal jou help om 'n "paleis" van 'n lewe te hê - wanneer jy Hom as die Meesterbouer vertrou...  Bid; glo en vertrou!  Elkeen van ons is met iets geseën - al is dit HOE klein!  God kan daai "iets kleins" in iets ongeloofliks omskep!  Vertrou net!

 Ek hoop jy sal 'n pragtige daggie he!!

 blessings!

 anelli**             

 Die gedagteki vir die daggie sal ongelukkig eers weer op 10 Julie 2012 verskyn…  Ek is vanaf Maandag 18 Junie 2012 met vakansie – my familie kom kuier vir my in Europa, en ek is nie seker dat ek heeltyd in omgewings sal wees waar ek internet toegang sal hê nie…  Ek wens julle ‘n geseënde tyd toe!  Baie blessings vir julle!!!J